Yaqindagina "jonim ukam, asalim ukam" deb yurgan Shirina o'z Farhodini topganga o'xshaydi. Hozirgi kunda ular Farhod va Shirin dueti bo'lib ijodlarini gullatmoqdalar. Ketma-ket hit taronalari bilan barchaga manzur bo'lib kelayotgan ushbu juftlik Bobur Bobomurod so'zi, Nodir Hafizov musiqasi bilan "Jamoli go'zal" nomli taronani omma e'tiboriga havola etmoqda. Ushbu tarona uchun klip ham suratga olinayotgani sir emas. Muhlislarni xursand qilish maqsadida shuni aytmoqchimizki, yaqin kunlarda Farhod va Shirinning ilk musiqiy albomlari dunyo yuzini ko'radi. Demak yangi klip hamda albomni qarshi olishga shaylanning.