Ayollarimizning yoqimtoy ijodkori, O'zbekistonda xizmat ko'rsatgan artist Ilhom Farmonov o'z ijodini qizg'in olib bormoqda. Jumladan, ijodkorning ketma-ket uch qo'shig'i tayyor bo'ldi. Bular...Birinchi qo'shiq Abdujabbor Mirusmonov musiqasi va oranjirovkasi, xalq so'zi asosida "To'ylar muborak" deya nomlanadi. Ikkinchisi Ulug'bek Mirsoliyev musiqasi, Ibrohim Jiyanov matni va Farrux To'laganov oranjirovkasi asosida "Biz yosh edik" deya nomlandi. Uchinchisi qo'shiqni ham Ulug'bek Mirsoliyev musiqasi, Ibrohim Jiyanov matni va Farrux To'laganov oranjirovkasini maromiga yetkazishgan hamda "Oila muqaddas" deya nomlandi. Aynan shu qo'shiq uchun Abdulaziz Turg'unov rejissorligida maxsus klip ham suratga olindi. Klipda siz ko'plab taniqli aktyorlarimizni, jumladan Dilmurod Farmonov, Umidjon Janpulatov, Nargiza Abdullayeva va boshqalarni uchratishingiz mumkin. Quyida klip suratga olish jarayonidan ba'zi fotosuratlarni hukmingizga havola qilamiz. Tez kunda barcha ijod namunalaridan saytimiz orqali baxramand bo'lishingiz mumkin bo'ladi.
