Bundan 2 yil muqaddam, 2010-yil 10-noyabrdan 11-noyabrga o'tar oqshomda MUZ.UZ sayti o'z ish faoliyatini boshlagan edi. Faoliyatimizning ilk kunlaridanoq sifatli taronalarni foydalanuvchilarimizga yetkazishni o'z oldimizga maqsad qilgan edik. Buni qarangkki, o'tgan 2 yil mobaynida saytimiz o'z faoliyat doirasini yaxshigina kengaytirishga erishdi. Har bir loyihamiz o'ziga hos hamda originallik bilan yaratilishi albatta bularning barchasi siz azizlar uchun. Shunday ekan bayramni bayramona tarzda o'tkazish maqsadida MUZ.UZ jamoasi siz uchun yangi original tanlovni e'lon qiladi. Ushbu tanlovda barcha qatnashish imkoniyatiga ega. Hattoki yulduzlarning o'zi ham.

STATUS MANIA

Ushbu tanlovimiz Odnoklassniki.ru (ok.ru) sotsial tarmog'i yordamida o'tkaziladi. Tanlovda ishtirok etishni istovchilar 2 guruhga, yani "ishtirokchi" hamda "xonanda"larga bo'linadilar. Barcha uchun tanlov shartlari quyidagilardan iborat.

Shartlar:

1. Tanlovda ishtirok etish uchun siz odnoklassniki.ru tarmog'idagi MUZ.UZ guruhiga a'zo bo'lishingiz hamda "STATUS MANIA tanlovi" bo'limida qatnashish istagini "ishtirokchi" yoki "xonanda" deb bildirishingiz lozim.

2. Odnoklassnikidagi statusingizga "MUZ.UZ - STATUS MANIA" deb yozishingiz lozim.

3. Ishtirokchilar 10-noyabrdan 24-noyabrga qadar ro'yhatga olinadi. Ushbu kundan (24-noyabrdan) keyin ishtirokchilar qabul qilinmaydi.

4. Ishtirokchilar qatnashish istagini bildirgan kundan e'tiboran o'z statuslarini natija e'lon qilinguniga qadar o'zgartirmasliklari talab etiladi.

G'oliblarni aniqlash:

G'oliblarni aniqlash 25-noyabr kuni bo'lib o'tadi. Ishtirokchilar orasida "MUZ.UZ - STATUS MANIA" statusida eng ko'p "Klass" bosilgan ishtirokchi g'olib deb topiladi. Agarda bir necha ishtirokchida natijalar teng bo'ladigan bo'lsa, u holda ularning do'stlari orasida bizning tanlovimiz qatnashchilari soniga e'tibor qaratiladi.

Sovg'alar:

"Ishtirokchilar" guruhida g'olib bo'lgan 3 kishiga g'oliblik sertifikatlari hamda kutilmagan va antiqa sovg'amiz mavjud. Hozircha sovg'a nima ekanligini sir saqlaymiz. "Xonanda" guruhida g'olib bo'lgan 3 nafar xonandamizga ham g'oliblik sertifikati hamda MUZ.UZ saytidan 1 oy davomida reklama hizmati taqdim etiladi.

Demak ishtirok etish shartlari fikrimizcha hech kim uchun qiyinlik qilmasa kerak. Hozirdanoq harakatingizni boshlang hamda do'stlaringizni ham ushbu tanlovga taklif eting. Super sovg'alar sizni kutmoqda.