Gollivudning taniqli aktrisasi bo'lmish Anjelina Joli (Angelina Jolie) ko'plab filmlarda suratga tushishdan charchamaydigan aktyorlar sirasiga kiradi. Aktrisa shu kunlarda o'zining ikkinchi rejissyorlik ishi bo'lmish "Taslim bo'lmas" (Unbroken) filmini suratga olish bilan band. Suratga olish jarayoni Avstraliyaning ko'rkam bag'rida olib borilmoqda. Film haqida qisqacha to'xtalib o'tsak. Filmda ikkinchi jahon urushi davrida o'z samolyotidan ayrilib, yapon askarlariga asirlikga tushib qolgan uchuvchi hamda uning do'stlari hayoti aks ettirilgan. Ushbu filmni suratga olish jarayoni birmuncha murakkab saxnalar mavjudligi aktyorlarga biroz qiyinchilik tug'dirayotgan bo'lsada, Anjelina Joli boshchiligidagi rejissyor va aktyorlar guruhi ushbu qiyinchiliklarni mardonavor yengib o'tishmoqda. Hozirda film qachon suratga olib, kino ixlosmandlar hukmiga taqdim etilishi nomalum. Lekin murakkab voqealikni o'zida jamlagan film albatta tomoshabinlarga yoqishi aniq deya uqtirmoqda Anjelina Joli. Kutamiz, ko'ramiz...