Braziliyada o'tayotgan chempionatning ochilish marosimida Jenifer Lopez va Pitbull dueti o'ziga hos sensatsiyani keltirib chiqargan edi. Lekin Shakiraning "La la la" (Dare) kompozitsiyasi Lopez xonimning qo'shig'iga nisbatan tinglovchilarga ko'proq manzur bo'lmoqda. Shu sababli ham chempionat tashkilotchilari finaldan so'ng bo'lib o'tadigan yopilish marosimiga aynan Shakirani taklif etishdi. Ushbu xabar Shakiraning muxlislarini xursand qilishi aniq. Darvoqe, "La la la" qo'shig'iga ishlangan klipda ko'plab taniqli sport namoyondalarini hamda Shakiraning sevimli insoni, futbolchi Jerar Pikeni ham uchratishingz mumkin.