Ijrochining albom nomini izohlarkan, musiqiy to'plam ustida ishlash davomida u har xil uslub va yo'nalishlarni turli musiqachilar bilan birga tadqiq qilgan va "o'zi haqida ko'p narsani bilib olgan". Xonandaning so'zlariga ko'ra, albomdan tarkibida "biroz rok, biroz folk, birozgina reggi va, albatta, biroz raqsbop musiqadan tashkil topgan" qo'shiqlar o'rin olgan.

Kolumbiyalik qo'shiqchi o'zining so'nggi singli - "Can't Remember to Forget You"ni Rianna bilan hamkorlikda kuylagan. Qo'shiqning ingliz va ispan tillaridagi versiyalari chiqqan. Xonanda avvalroq "Can't Remember to Forget You" uning yangi albomidan o'rin olishini aytib o'tgandi. Musiqiy to'plamdagi qo'shiqlarning to'liq ro'yxati hozircha noma'lum.

"Shakira" plastinkasi pop-xonanda diskografiyasidagi o'ninchi musiqiy to'plam bo'ladi. Shakiraning so'nggi studiya albomi 2010-yili "Sale el Sol" nomi bilan chiqqan edi. Undan ham ingliz, ham ispan tilidagi qo'shiqlar o'rin olgan.