-Bu yilgi bo'lib o'tadigan konsertingiz boshqalaridan nimasi bilan farq qiladi?

-Bu yilgi konsertimda men bilan birga duet kulyagan xonandalar ishtirok etmaydilar. Sababi, konsert dasturlarimdagi duetdoshlar har yili bir xil bo'lib qolyabdi. Shu bilan birgalikda bu yilgi konsertimda muxlislar meni umuman yangi imijda ko'rishlari mumkin. Yangicha yo'nalishlarning guvohi bo'ladilar. Men avvallari o'zimni bu yo'nalishda umuman ko'rmaganman.

-Konsert dasturlaringizda doim akrobatik tryuklar bo'lar edi, bu safar ham bo'ladimi?

-Xa albatta bo'ladi. Lekin qandayligi hozircha sir.

-Konsert dasturingizda muxlislarga qandaydir sovg'alar tayyorlaganmisiz?

-Bilasizmi, tashkillashtirayotgan konsertimni o'zi muxlislar uchun katta sovg'a deb bilaman. Chunki bu yilgisi o'zgacha yo'nalishda, o'zgacha musiqa, o'zgacha raqslar orqali muxlislarga quvonch ulashadi. Men hohlardimki, tomoshabin bu konsertda o'zgacha dunyoga, xuddi ertaklar olamiga tushib qolgandek dam olib ketsin.

Turmush o'rtog'ingiz Yigitali bilan qandaydir sahnalar ham bormi?

Buni konsert dasturida ko'rib guvohi bo'lishingiz mumkin. Hozircha bu sir.

Siz boshqa san'atkorlarga qaraganda uzoq muddat konsertga tayyorgarlik ko'rasiz? Raqobatda ulardan o'zish uchun shunday qilasizmi?

Yo'q men ular bilan raqobatlashmoqchimasman. Konsert dasturim yaxshi samara berishi uchun avvaldan tayyorgarlik ko'raman. "Mehnatsiz rohat yo'q" shuning uchun ham tinmay mehnat qilib, harakat qilish kerak deb o'ylayman. Har bir narsa mehnatga, harakatga bog'liq. Konsert dasturim qiziqarli bo'lishi uchun intilaman. Konsertda kuylaydigan taronalarim ham avvalgidek bo'lmaydi. Ularga o'zgarishlar, yangiliklar kirityabman. Tomoshabinlarni hayratda qoldirmoqchiman. Muxlislar yildan-yilga ko'p narsani talab qilaveradi. Ba'zi tomashabinlar konsertda shunchaki o'tirib madaniy hordiq chiqarib ketadi, ba'zilar esa bu yil qanday yangiliklar qilar ekan deb shuni ko'rgani keladi. Men esa har qanday muxlislarni talabiga javob beradigan ish qilishga intilyabman.

Bu yilgi konsertingiz avvalgilaridan farqli ravishda ya'ni yangicha raqslarga boy bo'lishi arafasida ekan shundaymi?

Xa avvallari konsertda Ispancha, Arabcha, Meksikancha xullas ko'plab davlatlarni raqslari ijro etilardi. Hozirda men bunday raqslarni dasturdan olib tashladim. Aralash raqslar to'plamini qo'ymoqchi emasman. Nafaqat raqs balki musiqalar ham o'zgacha bo'ladi.

Har yili rejalar almashadi. Yangi g'oyalar tug'iladi. Xullas to'xtab qolish kerak emas to'g'rimi?

Albatta to'xtab qolish kerak emas. Misol uchun aytaylik fortepiano chaluvchilarini oladigan bo'lsak, ular bir kun mashqni to'xtatsalar, qo'llar harakatsiz qolsa, natija ijobiy bo'lmasligi mumkin. Shaxsan o'zim ham maktab davrlarimda fortepiano chalganman. Ustozimiz huddi shunday der edilar. Velosipedni pedali to'xtamay aylangani kabi harakat qilaverish kerak. Har qanday soha vakillari ishdagi izlanishdan to'xtadilarmi tamom, ana shu joyda qotib qoladilar.

Konsertda qanday yangi taronalar taqdim etasiz?

O'n bitta yangi tarona va o'n bitta eski mashxur taronalarni taqdim etmoqchiman.

Ish jarayonlari oilaviy hayotingizga halaqit qilmayabdimi?

Bilasizmi men juda ham xursandman. Ular meni tushunib qo'llab-quvvatlaydilar. Har kuni ertalab uydan chiqib ketib, kech qaytaman. Shunda ham ular meni qo'llab-quvvatlashda davom etadilar. Buning uchun o'z minnatdorchiligimni oila-a'zolarimga bildirib qolaman.

Turli hil mish-mishlarga qaraganda bu yil konsertingiz so'ngi bora taqdim etilayotgan ekan? Shu to'g'rimi?

Bilasizmi, bu yil men uchun juda ham og'ir keldi. Har taraflama charchadim. Shu sababli ham boshqa konsert berishni istamayman.

Nima uchun?

Sababi, juda qiyin bo'lyabdi. Ham jismonan ham ma'nan qiyinchilk tug'diryabdi. Shuning uchun ham boshqa konsert bermayman.

Taronalaringiz repertuaridan chet tilida kuylangan taronalar ham o'rin olganmi?

Rus tili hamda o'zbek tilidagi taronalar o'rin egallagan.

Suxbatimiz so'ngida esa muxlislaringizga chiroyli tilaklaringiz bo'lsa marhamat.

Hamma-hammaga yaxshi kayfiyat, doimiy chiroyli kulgu-tabbassum ularni aslo tark etmasligini tilayman. Barcha muxlislarimni esa konsert dasturimga taklif etib qolaman...

Sizga ham bo'lib o'tadigan konsert dasturingizda ulkan omad va muvaffaqqiyatlar tilab qolamiz. Chiroyli suhbatingiz uchun tashakkur...