O'ziga hos rollari hamda rollarga bo'lgan talablari sababli, uni biror bir yomon rolda ko'rmaganmiz. Ayni shu sabab bo'lsa kerak, Dilnoza Kubayevaning kino yohud kliplardagi kunlik suratga olish jarayonidagi gonorari 500-700 AQSh dollari orasida baholanadi.

Turli, bir-biridan farq qiladigan obrazlari Asal Shodiyevani boshqalardan ajratib turadi. So'nggi paytlarda ekranlarda anchagina kamnamo bo'lib qolgan yosh ona, hozirda bur kunlik syomka jarayonida ishtiroki uchun 500 AQSh dollari so'raydi.

Turmushga chiqishi, so'ng ikkinchi farzandiga ona bo'lishi hamda Moskvaga ko'chib o'tishi sababli so'nggi paytlarda aktrisa Zarina Nizomiddinova ekranlarda ko'rinish bermay qo'ydi. Lekin, bunga qadar aktrisa bir kunlik suratga olish jarayoni uchun 300dan 500 AQSh dollarigacha gonorar so'ragan.

O'ta talabchan aktrisa bo'lmish Nigora Karimboyeva "Ayol Zoti" seriali orqali ko'pchilikning e'tiboriga tusha boshlagan. Ko'plab rollarni ijro etgan hamda etayotgan aktrisa bir kunlik syomkadagi ishtiroki uchun 200 AQSh dollaridan kam bo'lmagan gonorar so'raydi.

Ra'no Shodiyevani eng birinchi roli "Shaytanat" serialidagi ishtiroki bilan boshlangan bo'lsa, keyinchalik "Vatan" filmidagi roli orqali qalbimizdan chuqur o'rin egallagan. Ssenariylarga o'ta talabchan aktrisa gonorari 200 AQSh dollari.

TV ko'rsatuvlari orqali, so'ngra esa rollari bilan bizga tanilgan Rayhon Ulasenovaning gonorari 250-300 AQSh dollariga baholanadi.

"Aprel-May" filmidagi debyutidan so'ng tanila boshlangan aktrisa Shahzoda Matchonova so'nggi paytlarda filmlardan ko'ra, ko'proq kliplarda suratga tushmoqda. Shunday bo'lsada aktrisaning kunlik gonorari 300-500 AQSh dollari atrofida.