Filmdagi roli uchun aktrisalar qancha haq oladi?

Aktrisalar maoshi
"Narhini qarang..."

O'zbek kinosan'ati yangi qiyofalarni ochgan holda kun sayin rivojlanyapti. Ayniqsa yosh iste'dodli aktrisalar soni ko'paymoqda. Qiziq, ko'pgina kino ishqibozlarining yuragini zabt eta olgan o'zbek kinosining yosh va yetakchi atrisalari qancha haq olar ekan? Bu haqida aktrisalarning o'zlari ma'lumot berib o'tishgan bo'lishsa, ularning ijodiy faoliyatiga baho berish uchun esa rejissyor Hilol Nasimov taklif qilindi.


alt Ra'no Shodiyeva – ya'shi didga ega, rollariga talabchan, bitta filmdagi roli uchun oladigan gonorarining miqdori 5000-5500 AQSH dollarini tashkil etadi.
Hilol Nasimov: - Ra'no Shodiyevaga samimiyat va hurmat bilan qarayman. U boshqalar uchun namuna bo'lishi mumkin. Ancha yil oldin unga "Ra'no, bir filmdan ikkinchi filmga saqrashlaringiz nufuzingizga salbiy ta'sir ko'rsatishi mumkin. O'z ustingizda ishlash uchun imkoniyat qoldirmayapsiz", degandim. O'shanda mening so'zlarimni e'tiborsiz qoldirmaganidan mamnunman. Kamchiliklariga to'xtaladigan bo'lsak, u o'zbek tilini yaxshi bilmaydi, bu unga ishda qiyinchiliklarni tug'dirishi mumkin.

altJamila G'afurova – uni "salbiy rollar qirolichasi" deb ishonch bilan aytish mumkin. Chiroyli, doim kulib turadi, har qanday salbiy obrazni mahorat bilan ijro eta oladi. Filmdagi ishtiroki uchun 4000-6000 dollar oladi.
Hilol Nasimov: - Jamila G'ofurovani bemalol iqtidorli aktrisalar qatoriga qo'shish mumkin. Rejissyor qo'ygan talabni to'liq, mahorat bilan bajarib bera oladi. O'z ustida ishlashdan hech qachon charchamaydi. Ammo uning ham o'ziga yarasha kamchiligi bor. Ayniqsa, syomkaga kechikish odatini tashlasa, yaxshi bo'lardi.

altDilnoza Kubayeva. U ayni kunlarda eng katta talabga ega aktrisa hisoblanadi. Kubayeva suratga tushayotgan filmlarning barchasi kassabopligi bilan ajralib turadi. Dilnoza Kubayeva xususiy studiya tomonidan ishlangan bitta filmdagi roli uchun 4500-5000 dollar oladi.
Hilol Nasimov: - Dilnoza bilan ishlamagan bo'lsam-da, u haqda tasavvurga egaman. U juda mahoratli va o‘ziga talabchan aktrisa. Uning maqtashga arzigulik tomonlari juda ko‘p. Ammo nazarimda, Dilnoza ko'proq xususiy filmlar bilan chegaralanib qolayotganga o'xshaydi. Aynan xususiy filmlardagi rollarini kuzata turib, u biroz bachkanalik chegarasidan o'tganini sezish qiyin emas. Dilnoza Kubayevada imkoniyatlar juda katta, bundan to'liq va unumli foydalanishni bilishi va uni to'g'ri yo'lga yo'naltirishi lozim.

altZarina Nizomiddinovaga 3000 dollardan 5000 dollargacha gonorar to'lashsa, filmlarda suratga tushadi.
Hilol Nasimov: - Zarina Nizomiddinova o'z ustida ko'proq ishlashi kerak. Uning rollarini kuzata turib, bu aktrisa hali ko'p ishlashi va charxlanishi lozim deb hisoblayman. Rollarini ichki kechinma bilan o'ynasa, maqsadga muvofiq bo'lardi. Kadrda odamlarga xunuk ko'rinishdan qo'rqmaslik kerak. Zarinaning birgina omadi – uning kinobop tashqi ko'rinishga egaligida.

alt"Janob hech kim" kartinasi aktrisa Asal Shodiyevaga mashhurlik olib kelgan. Boshqa aktrisalarga nisbatan kinolarda kamroq ko'rinsa-da, uning ham o'ziga yarasha muxlislari bor. Asal kinolardagi roli uchun 3500 dollar atrofida gonorar oladi.
Hilol Nasimov: - Asal Shodiyevaning eng katta yutug'i, omadi kelganida deb bilaman. Bu aktrisa aksariyat xususiy filmlarda rol ijro etgani uchun ko'proq ularning qonun-qoidasiga javob beradi, deb o'ylayman. Lekin harakati, izlanishi bor.

altSevara Soliyeva o'zining "Poyma-poy" filmidagi roli bilan tanildi. Akrisaning gonorari 3000 dollarni tashkil etadi.
Hilol Nasimov: - Sevara ham o'z ustida izlanib kelayotgan yoshlardan biri. Odamni jalb qila oladigan tashqi ko'rinishga ega. Uning ko'p rollarini ko'rmagan bo'lsam ham, rejissyor sifatida e'tiborimni tortgan. Bu aktrisa ham o'z ustida ishlashni to'xtatmasa, kelajagi porloq bo'ladi.

altShahzoda Muhammedova kino shinavandalariga "banan yaxshi ko'radigan erka kelin" bo'lib tanilgan aktrisa. Shahzoda filmlarda 2500-3000 dollar gonorar evaziga suratga tushadi.
Hilol Nasimov: - Ochig'i, Shahzoda Muhammedovaning biror-bir maqtashga arzigulik jihatni ko'rmaganman. U o'z ustida juda uzoq va ko'p ishlashi kerak. Aktrisa kinolarda o'zini ko'rsatish uchun emas, berilgan vazifani mahorat bilan bajarib berish uchun chiqadi. Ko'proq tashqi ko'rinishga emas, ichki kechinmalarga e'tibor bersa yaxshi bo'lardi. Aktrisaning yutug'i – chehrasida milliylik bor.

alt"Ko'zlaring ma'yus" filmi bilan nazarga tushgan goh shaddod, goh og'ir-bosiq qizlar rolini maromiga yetkazib ijro etadigan Oydin Yusupovaning gonorari boshqa hamkasblarinikidan kamroq, ya'ni – 1500 dollar.
Hilol Nasimov: - Aktyor va aktrisa uchun rollarning katta-kichigi bo'lmasligi lozim. Agar ular rolning hajmiga qarab kinoda suratga tushadigan bo'lishsa, yutqizishadi. Shunday rollar borki, u hajmi kichik bo'lsa ham yoki og'ir. Aktrisalarimiz mana shu jihatlarni farqlay bilishsa, yaxshi bo'lardi. Odam o'z imkoniyatlarini inobatga olib, rol talab qilgani ma'qul. Oydin haqida aytadigan gapim shu.

 

 

 

 

Manba: Darakchi


   

Kalit teglar: Dilnoza Kubayeva, Oydin Yusupova, Shahzoda Muhammedova, Sevara Soliyeva, Asal Shodiyeva, Zarina Nizomiddinova, Gulchehra Jamilova, Rano shodiyeva

 
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
 (голосов: 7)

Izohlar

  1. #1 Mehmon Qoniratbay 28 dekabr 2014 02:30 |

    Salom Zarina men siz bilan tanishishni hahlaymay iltimos menin po4tamga xabor qoldirsangiz k.09.07@ mail.ru kutaman avaldan raxmat.

    Izohga javob berish
  1. #2 Mehmon гулноз 5 yanvar 2016 17:43 |

    Sayt juda zo'r ekan shu yaqin orada tug'ilgan kuni bo'ladigan Ziyodani chin yuragimdan tabriklayman menga xabarlashsangiz

    Izohga javob berish
  1. #3 Mehmon gulnoz 6 yanvar 2016 13:11 |

    Ziyoda sizni tug'ilgan kuningiz bilan chin yurakdan muborakbod etaman deb ashaddiy muxlisingiz

    Izohga javob berish
  1. #4 Mehmon Behzad 3 iyul 2016 01:43 |

    Salam Dilnaza!Men sizni juda hurmat kilaman sizni bizning yurtumizga mehmancilikga taklif kilaman Turkmanistanga ilaji bolsa tel.kling 99369471707 kutaman

    Izohga javob berish

Izoh qoldirish


Kod:
Включите эту картинку для отображения кода безопасности
kod ko`rinmagan holda yangilang

kodni kiriting:

O'Z REKLAMANGIZNI SHU YERDA JOYLASHTIRING