Avvalgi yangiliklarimizdan birida xonanda Ulug'bek Rahmatullayev o'zining yangi "Omadim kelmadi sevgi bobida" taronasini taqdim etmoqchi ekanligi haqida aytib o'tgan edik. Mana birmuncha vaqtdan so'ng tarona FM to'lqinlari orqali jarang sochdi va u ko'pchilikga manzur bo'ldi desak hato bo'lmaydi. Bundan ruxlangan Ulug'bek Rahmatullayev ushbu taronasi uchun Sanjar Matkarimov bilan birgalikda klip suratga olishga muyassar bo'ldi. Ayni kunlarda ranglar sozlovi ketayotgan ushbu klip juda ham ehtirosli chiqishi kutilmoqda. Nasib qilsa yaqin kunlarda ushbu klipdan birgalikda saytimiz orqali baxramand bo'lsangiz ajab emas. Quyida esa klip suratga olish jarayonidan ba'zi fotosuratlarni tomosha qilishingiz mumkin.