Tarbiyaviy qo'shiqlari bilan barchaga namuna bo'la oladigan xonanda, O'zbekiston Respublikasida xizmat ko'rsatgan artist Ravshan Komilov Mirzo Karim matni, Iqbol Muhammad musiqasi bilan "Tug'ilgan kun" deb nomlangan yangi tarona kuylab o'tdi. Ushbu qo'shiq tematik tarona bo'lib, u yerda mehr-oqibat, o'zbek urf odatlari yaqqol namoyon bo'lgan desak mubolag'a bo'lmaydi. Aytish joizki, ushbu taronaga klip ham suratga olindi. Klip Qaxramon Ashurov, Nodir Komilov va Erkin Anduzlar tomonidan suratga olingan bo'lib, xattoki 114 yoshni qarshi olgan momo xam ushbu klipda tasvirga tushganlar. Natija qanday bo'lishini esa klip ekran orqali taqdim etilgach albatta o'zingiz guvohi bo'lasiz.
