Shahnozning jonli tarzda konsert berishi haqida saytimiz hamda reklama rolik va bannerlar orqali xabaringiz bo'lsa kerak albatta. Uch kun davomida yuqori nota va haqiqiy jonli ijroda o'tgan ushbu konsert dasturida nafaqat Shahnozning o'zi, balki bir necha boshqa xonandalar ham o'zlarini jonli ijroda sinashdi hamda konsertga tashrif buyurganlarga kutilmagan sovg'alarni taqdim etishdi. Jumladan Shahnozning Rayhon, Davron Ergashev va Sherzod Bek bilan aytilgan duetlari hamda Bahtiyor Rahmonovning jonli chiqishi barchaga manzur keldi. Bundan tashqari saxna dekoratsiyasidagi katta ekran hamda raqqosalarning turli chiqishlari konsertga ko'rkamlik bag'ishlab turdi. Quyida Shahnozning jonli ijrodagi konsert dasturidan ba'zi fotosurat hamda video reportajga yo'llanma keltirilgan.
