Bugun O'zbegim taronasi radiosi hamda Aroma shirinliklar dunyosi savdo belgisi hamkorlikda doimgidek "Yulduzli uchrashuv" loyihasini taqdim etishdi. Bugungi mehmon estradamizning o'ziga hos ovoz va harakter sohibasi Munisa Rizayeva bo'ldi. Uchrashuv davomida doimgidek muhlislar hamda yulduzimizning fan-klubi ko'plab kutilgan va kutilmagan savollar bilan Munisani "o'qqa" tutishdi. Jumladan ba'zi mish-mishlarga ham Munisa chek qo'yib, mish-mishlarning barchasi noto'g'ri ekanligini tasdiqladi. Bundan tashqari Munisa Rizayevaning yoshligi haqidagi savolga u yoshligida juda ham sho'x bo'lganligini oshkor etdi. Uchrashuv davomida Munisa Rizayeva muhlislar talabiga binoan jonli tarzda xorij estradasidan qo'shiq hirgoyi qilib, olqishlarga sazovor bo'ldi. Yakunda doimgidek eng aktiv va qoyilmaqom savol bergan ishtirokchilar Munisa Rizayevaning sovg'alariga ega bo'ldilar. Quyida ushbu uchrashuvdan foto hamda videoni hukmingizga havola qilamiz.
Kliplar ham yolg'onmi yog'e Munisaning aniq o'zi ediyu