Bugun aynan 8-mart, Xalqaro hotin-qizlar bayrami kunida O'zbegim taronasi radio stansiyasi hamda Aroma shirinliklar dunyosi do'koni birgalikda yangi loyihani amalga oshirdi. "Yulduzli uchrashuv" deb nom olgan ushbu yangi loyihada endilikda siz o'z sevgan san'atkorlaringizga yanada yaqin bo'lishingiz, unga atalgan kutilmagan va hayratda qoldiruvchi savolingizni berib, yakunda g'olib ham bo'lishingiz mumkin. Loyihaning ilk ishtirokchisi el suygan san'atkor Sardor Rahimxon rejalanganidek Aroma shirinliklar dunyosiga tashrif buyurdi va bu yerda uni radio stansiya vakillari hamda bir nechta muhlislar kutib olishdi. DIlmurod G'ulomov tomonidan olib borilgan loyiha davomida muhlislar ko'plab savollarga javob oldilar va hattoki jonli ijrodagi xonish guvohiga ham aylandilar. Aytilgan joyga yetib kela olmaganlar uchun suxbat to'g'ridan-to'g'ri O'zbegim taronasi radiosi orqali translyatsiya qilindi. Suxbat so'ngida ko'plab savollardan eng maqbuli deya "Yana manda" taronasi og'irlanganmi deb savol bergan muhlislardan biri g'olib chiqdi. Rahimxonning aytishiga ko'ra tarona o'g'irlanmagan va bunday savolni u kutmagan ekan. Quyida ushbu yulduzli uchrashuvdan ba'zi fotolavhalarni hukmingizga havola etamiz. Ha aytgancha, bugungi tashrif uchun Aroma savdo belgisi tomonidan Sardor Rahimxon uchun maxsus tort ham taqdim etildi.