Xabaringiz bor 24-apreldan 28-aprelga qadar poytaxtimizning muxtasham "Istiqlol" san'at saroyida estradamizning yorqin vakilasi bo'lmish Rayhonning "Oyijon" deb nomlangan yakkaxon konsert dasturi bo'lib o'tmoqda. Ushbu konsert dasturi haqida ko'plab fikrlaru, voqealiklarni aytib joiz. Zero konsert avvalidan Rayhonni yapon raqslari bilan birgalikda bir nechta tarona ijro etishi hamda saxnaga yapon "Ninza"larining chiqishi muxlisu tomoshabinlarni qoyil qoldirdi. Lekin bu hali hammasi emas edi. O'tgan yilning shov-shuvli voqeasi sababchilari, yani Rayhon hamda Yigitali birgalikda raqsga tushib, olqishlarga sazovor bo'lishdi. Ana shu chiqishdan so'ng haqiqiy akrobatik raqslar va hattoki Rayhonning "Istiqlol" san'at saroyi osmonidagi parvozini ham kuzatganlar deyarli shok holatiga tushib qoldilar. Juda murakkab va xavfli bo'lgan ushbu tryukni qoyilmaqom bajargan Rayhonga haqiqiy olqishlar yo'llandi. Konsert dasturining muhim bir jihati shuki, unda boshlovchi bo'lmadi va asosan turli chiqishlar hamda video roliklar bir-biri bilan uzviy bog'lanib turdi. Hullas konsertga tashrif buyurgan tomoshabin 1 soniya bo'lsada zerikib qolgani yo'q. Quyida sizning hukmingizga konsertdan ba'zi foto surat hamda video rolikni taqdim etamiz.
