Estradamizga deyarli har kuni yangi ijodkorlar kirib kelishadi. Har biri turlicha taassurot ila yodimizda qolishga harakat qilishadi. Aynan o'zining ilk qadami va taronasi ila estradamizga kirib kelgan Shahzod Murodov ham sizu-bizni o'ziga, aniqrog'i o'z ijodiga e'tiborimizni tortmoqchi ko'rinadi.Iqbol Muhammad g'oyasi, Nodir Azimov matni hamda Azizbek Xolmurodov sayqali ila kuylangan "O'sha o'shasan" taronasi ijodkor Shahzod Murodov uchun katta ahamiyatga ega. O'z muxlislariga ega bo'lish niyatida ijodkor ushbu qo'shig'i uchun klip ham suratga oldirmoqda. Syomka jarayonini Nozim Jumayev tashkillashtirayotgan bir pallada, rejissyorlar Sanjar Matkarimov hamda Mansur Vasattilar operator Dimurod Turdiboyev bilan birgalikda suratga olishdi. Klip rassomi Ixtiyor Baxtiyorov, liboslar bo'yicha rassom Elsevar Isxoqova, hamda vizajistlar Azamat Zaynutdinov va Feruza Rahimovalar ushbu klip uchun bor mahoratlarini ko'rsatmoqdalar. To'rt klipmeyker birgalikda olayotgan ushbu klip natijasini tez kunda saytimiz orqali tomosha qilish imkoniga ega bo'lasiz. Darvoqe, doimgidek yosh ijodkor ijodiga quyida o'z fikringizni izoh sifatida qoldirishni unutmang.
