Bir qarasa filmda robotga aylanadigan va yana bir qaraganda estradamizda shov-shuvli taronalarni taqdim etuvchi Manzura barchani lol qoldirishni xush ko'radi. Uning navbatdagi "O'ngimda ko'ray" taronasi yaqindagina radio to'lqinlari hamda saytimiz orqali taqdim etilgan edi. Endi esa...Endi esa aynan yuqorida zikr etilgan kompozitsiya uchun maxsus klip olish ishlari ham boshlab yuborilgan. Klipmeyker Mansur Vasati hamda operator Narimon Sultonxo'jayevlar juftligi o'ziga hos ko'rinishga ega bo'lgan klipni suratga olishmoqda. Doimgidek Manzurani yangi klipda o'zgacha imijda ko'rishimiz mumkin bo'ladi. Tez kunda taqdim etilishi rejalashtirilgan klip sizga albatta yoqishi aniq. Ha aytgancha, xonanda ijodida yana bir hit paydo bo'lish arafasida. Ushbu hitni esa qachon qarshi olishimiz hozircha no'malum.
