Bir necha yil avval estradamizda o'zining romantik qo'shiqlari ila namoyon bo'lgan va so'nggi paytlarda negadur ko'rinmay qolgan ijdokor Xayrulla Vahobov ijodiy faoliyatini yana davom ettirishini ma'lum qildi.Bir necha yillik tanaffus sababini ijodkor o'zining oila qurgani, hamda hozirda Muqimiy nomidagi o'zbek musiqali drama teatrida faoliyat olib borayotganligi sababli ham ijod uchun vaqt ajrata olmaganligini ko'rsatib o'tdi. Tanaffusga esa "Sanam" kompozitsiyasi uchun ishlanayotgan klip bilan chek qo'yishni rejalashtirgan. Komedik syujetga ega ushbu klip rejissyori Nozim Tolipov bo'lib, klipda ko'plab aktyorlarni uchratishingiz mumkin. Jumladan O'zbekistonda xizmat ko'rsatgan artist Turg'un Beknazarov, Gulchexra Nosirova, Maqsuda Otajonova, yosh aktrisa Nargiza Shahobova va boshqalar. Bundan tashqari Xayrulla Vahobov yurtimiz mustaqilligining 23 yilligiga bag'ishlab, kompozitor Sarvar Rahmatxo'jayev musiqasi va Botir Ergashev matni asosida "Elim" deb nomlangan yangi qo'shiq ustida ish olib borishmoqda. Mustaqillik shodiyonasi arafasida ushbu tarona xalq e'tiboriga taqdim etilishi rejalashtirilgan.
