Bir necha yillik orzu-xavas ila ijod qilingan qo'shiqning nomi "Esingdamu" bo'lib, bu taronaning musiqa va ijro yo'nalishini xonandaning o'zi bastalagan. Oranjirovka esa musiqa sayqalchisi Davronbek Abdullayevga tegishli. Bu qo'shiqning mazmundor matni shoir Normurod Narzullayevga tegishli bo'lib, bizga nostalgik ruxni baxshida etadi. Bundan tashqari ushbu taronaga klip ham suratga olingan. Klipmeyker vazifasini esa qoyilmaqom darajada biz uchun tanish bo'lgan xonanda hamda aktyor, endilikda esa rejissyor ham Aziz Rametov uddaladi. Ushbu ajoyib qo'shiq va unga ishlangan klip o'z muhlislarini topadi degan umiddamiz. Xonandaga ilk debyut ijodida omad tilaymiz.