FM diapazonida turli radio kanallar mavjud. Har birining o'z o'rni va tinglovchilari mavjud. Endi esa ushbu radio kanallar ro'yhati yana bittaga ko'paydi. Qarshi oling, Kamolot FM radiosi.FM 90.8 MHz to'lqinida Toshkent shahri va viloyati bo'ylab jarang sochishni boshlagan radio yosh va aynan yoshlar uchun o'ziga hos dastur hamda musiqalarni taqdim etishni mo'ljallagan. Barkamol avlod radiosi deya e'tirof etilayotgan radio dasturlarida nafaqat yoshlar uchun, balki yoshi katta insonlar uchun ham qiziqarli loyihalar taqdim etadi. Radioni nafaqat oddiy radio priyomnik orqali, balki internet tarmog'i yordamida butun dunyoda tinglashingiz mumkin. Buning uchun esa saytimizning Media bo'limidagi Online Radio sahifasiga kirishingiz va radiolar ro'yhatidan Kamolot FM radiosini tanlashingiz lozim bo'ladi. Hozirda radio ijodkorlari efir dasturini boyitish maqsadida turli qiziqarli loyihalar ustida ishlashmoqda. Ushbu loyihalardan esa radioni tunu-kun tinglab sekin-asta boxabar bo'lib borishingiz mumkin bo'ladi. Shunday ekan, yangi radio sizga albatta manzur keladi.
