Xonanda Firdavs kichik vaqt oralig'ida yangi qo'shiq va kliplari taqdim etmay o'z muxlislarini sog'intirib qo'ygan edi. Lekin bu tanaffus o'z nihoyasiga yetgan va xonanda bir emas, bir necha yangi ijodiy sovg'alari bilan barchani xushnud qilish niyatida.
Kliplarida antiqa raqslarni amalga oshiruvchi xonanda Firdavs o'zining navbatdagi klipi va albomini taqdim etishga qaror qildi.Doimiy ijodkor bo'lmish Firdavs tomonidan bir necha kun avval yangi qo'shiq taqdim etilgan edi. Ushbu taqdimotlar seriyasi bu bilan cheklanmaydigan ko'rinadi.Odatda qayta kuylangan qo'shiqlar o'zida zamonaviylik va yangi nafasni mujassam qiladi. Shu boisdan bo'lsa kerak, estradamizning bir necha yillik ijodkori Firdavs o'zining 14 yil avval kuylangan taronasini qayta kuylashga bel bog'ladi.
