Hozirgi kunda Internet tarmog'i yosh, xavaskor yoki taniqli bo'lmagan ijodkorlar uchun juda ko'plab imkoniyatlar eshgini ochmoqda. Jumladan, bugungi ruknimizda so'z boruvchi guruh uchun ham aynan Internet juda katta mashhurlikni olib keldi.

Niko's Band. Ushbu nom sizga tanish bo'lmasligi mumkin. Lekin ularning birgina qo'shig'i qulog'ingizga albatta chalingan. "Georgian Disco" (Kartuli Disco) qo'shig'i Instagramni tom ma'noda "portlatdi".

 

 

Keling avvalo guruh ishtirokchilari bilan tanishib olsak.

To'rtlikdan iborat ijodkorlar Gruziya telekanallarining birida Nikosshow yumoristik dasturi boshlovchilari hisoblanishadi. Ijodkorlar dastur davomida doimiy tarzda jonli qo'shiq ijro etib borishadi.

 

Niko Nanitashvili. Aynan u guruhni tashkil qilgan. Guruh nomidan ham buni payqash qiyin emas. Niko nafaqat teleboshlovchi, balki blogerlik sohasida ham faoliyat yuritadi.

 

Amiko Choxaradze. Guruhning ikkinchi solisti. Doimiy xarakatlari bilan drayv kayfiyatini ulashuvchi Amiko sobiq KVNchi. U Gruziya KVN jamoasida faoliyat yuritgan.

 

Manu Murguliya. Aynan uning shirali ovozini siz turli Instagram Reelslarida eshitgansiz. Gruziyada taniqli qo'shiqchi va teleboshlovchi.

 

Nanuka Forchxidze. "Georgian Disco" qo'shig'ida u qatnashmagan. Lekin guruhning boshqa xamma chiqishlarida u doimo qatnashib keladi. O'ziga xos ovoz egasi.

 

2023-yilda guruhning "Georgian Disco" ("Disco farisco" yoki "Kartuli Disco") qo'shig'i deyarli butun dunyoda o'z tinglovchilariga ega bo'ldi. Ushbu qo'shiq asli Cover bo'lib, asl qo'shiq italiyalik ijodkorlarning The Kolors - "ITALODISCO" hisoblanadi. Lekin Niko's Band ijodkorlari birga bir ushbu qo'shiqni ko'chirib olishmagan. So'zlari va kuylash uslubini birmuncha o'zgartirishgan. Ushbu qo'shiq YouTube tarmog'ida deyarli 45 milliondan ortiq tomosha qilingan. Original qo'shiq esa bundan anchagina kam.

 

NIko's Band guruhi boshqa qo'shiqlari ham juda yaxshi ijro etilgan. YouTube platformasida guruh chiqishlarini tomosha qilish orqali, bunga siz ham amin bo'lasiz. Jumladan "Voyage-Voyage", "Wife", "Fool", "A real Woman and Man", "After festivities", "Yes, yes", "Give me a present", "Monday - Sunday" va boshqa qo'shiqlar. Xullas, guruhning xar bir qo'shig'i sizga manzur bo'lishi aniq.

 

Sizgachi, guruh qo'shiqlari qay darajada maqul keldi?

Navbatdagi sahifalarimizda yana qaysi ijodkorlar haqida so'z yuritishimizni istagan bo'lardingiz? Izohlarda albatta bu haqida yozib qoldiring.