Ay Yola guruhi 3 ishtirokchidan iborat.

Adel Shayxitdinova - Vokal, gitara, dombira. Bir nechta qo'shiq matnlarini o'zi yozgan.  "Ilhom" xalqaro tanlovining Gran-pri sovrindori. Otasi bilan duet orqali bir necha shoularda qatnashgan.

Ruslan Shayxitdinov - Klavish, bas gitara. Musiqachi, ovoz rejissyori va prodyusser. Maksimum radiosida boshlovchi sifatida faoliyat ham olib boradi. Bundan tashqari DJ Ruslan Sever tahallusi bilan ham tanilgan.

Rinat Ramazanov - Vokal. Musiqachi, turli sozlar chalishni biladi. Boshqirdiston Respublikasida xizmat ko'rsatgan artist.

"Ay Yola” boshqirdcha "umumiy qonunlar, nizom", "koinot qoidalari majmui" – azaliy qadriyatlarni bildiradi: o'ldirmang, o'g'irlamang, kattalarni hurmat qiling, kichiklarni himoya qiling.

Guruh vakillari 2024-yil so'ngida tanishishadi va hamkorlikda "Ay Yola" guruhini tashkil qilishadi. 2025-yil fevraildan ilk albomning birinchi qo'shig'i "Botir", so'ng 14-martda ikkinchi qo'shiq "Homay" taqdim etiladi. Aynan "Homay" qo'shig'i internetni larzaga keltiradi va juda tezkorlik bilan turli chartlarning yuqori o'rinlarini egallaydi. Qo'shiq Shazam tizimida hattoki Ledi Gagani ortda qoldiradi. Bundan tashqari O'zbekiston, Qozog'iston, Ozarbayjonda, Turkiya va hattoki Yevropada ham ommalashadi.

Uchlik o'z qo'shiqlari orqali Boshqirdistonning go'zalligi va milliy doston motivlarini namoyish etishni rejalashtirgan.

Sizgachi? Ushbu trioning qo'shig'i qanchalik maqul keldi?