Ko'plab kinofilmlardagi rollari orqali bizga tanish bo'lib ulgurgan kino aktyor Eshton Kutcher (Ashton Kutcher) kinodan juda charchagan ko'rinadi. Hozirda aktyor o'zini yuqori texnologiyalar olamida sinab ko'rishni rejalashtirgan va uni kimsan Lenovo kompaniyasi rasman muhandis-dasturchi lavozimiga ishga olgan.

Yodingizga solib o'tsak, shu yili Eshton Kutcher IT sohasining yetuk namoyondalaridan biri Stiv Jobsni (Steve Jobs) kinoda talqin qilgan edi va bu bilan aktyorning IT sohasiga qiziqishi chegaralanmadi. Bundan tashqari Kutcher so'nggi yillarda ko'plab IT sohasiga oid konferensiyalarda qatnashib kelmoqda hamda mutahassislar orasida o'ziga xos o'ringa ega.

Lenovo kompaniyasida Eshton Kutcher "Yoga" planshetlarining dizayn hamda texnik tasniflarini yaxshilash yo'lida ish olib boradi. Kim biladi deysiz, balki Jobsni talqin qilganidan so'ng, Eshton ham yaqin yillarda IT sohasida o'ziga hos islohotlar qilib yuborsaya... Hozircha Eshtonning kinoni tark etgan yoki etmaganligi bizga nomalum. Lekin bilishimizcha ijodkor ikki ishni birvarakayiga olib borish ehtimoli ham yo'q emas.