"20-asr foksi" (20th Century Fox) studiyasi Rossomaxa filmiga oid yana bir ssenariy ustida ish boshlagan ko'rinadi. Ushbu qarorga esa "Rossomaxa: O'lmas" filmi turtki bo'lganligi aniq. Sababi ushbu film amerikadan tashqarida juda katta miqdordagi gonorar, ya'ni 280 million aqsh dollarida daromad keltirgan. Yangi kartinaning ssenariysini Jeys Mengold yozishga kirishgan. Bosh rolni esa o'zingiz sezgan bo'lishingiz aniq, albatta Xyu Jekman (Hugh Jackman) o'ynaydi. Bilishimizcha ushbu rolni Xyu endi bir umr o'ynasa kerak. Har holda ayni ushbu obraz aktyorga haqiqiy mashhurlikni olib keldi. Hozircha Rossomaxaning yangi filmi syujeti haqida hechqanday ma'lumot yo'q. Taxminlarga ko'ra film 2014-yilda suratga olinishi boshlanishi mumkin. Qolganini esa albatta doimgidek vaqt ko'rsatadi.