Ko'plab eng shov-shuvli filmlar, jumladan "Mustaqillik kuni" (Independence Day), "Qora kiyimli odamlar" (Man in Black), "Men roboman" (I, Robot) va boshqa ko'plab filmlarda o'ziga hos rollari orqali barchamizga tanish bo'lgan Uil Smit (Will Smith) shu kunlarda o'z rolidan maxrum bo'lish arafasida. Gap shunchaki, "Mustaqillik kuni-2" filmini suratga olishne rejalashtirayotgan "20-asr Foksi" (20th Century Fox) studiyasi filmini rejaga ko'ra 2015-yili emas, balki 2016-yili taqdim etishni o'ylamoqda. Bu esa oraliq 20 yilni tashkil etishini anglatadi. Bundan bir qancha muddat avval rejissyor Roland Emmerix tomonidan yangi film uchun ikki ssenariy mavjudligi haqida aytib o'tgan edi. Agar rejissyorning so'zlariga ishonadigan bo'lsak, ushbu ssenariylarning birida Uil Smit qaxramani bor va birida esa aksincha ishtirok etmagan. Hozircha film syujeti ham nomalumligicha qolmoqda. Taxminlarga ko'ra filmda o'zga sayyoraliklarning bir necha yildan so'ng navbatdagi xuruji haqida bo'lishi kutilmoqda. Uil Smit ushbu filmda ishtirok etish yoki etmasligini esa ma'lum bir fursatdan so'ng, yani film suratga olish ishlari boshlanganida aniqlik kiritishimiz mumkin bo'ladi.