Biz ko'pincha yulduzlarni hozirgi yulduzlik holatidagi ko'rinishi va holatiga guvoh bo'lamiz. Lekin ayni biz bilgan va sevimli yulduzlarning ba'zilarining yoshligi hozirgiday yulduzli va yaxshi o'tgan deyish mushkul. Ko'plab yulduzlar yoshlik chog'idanoq hayot tashvishlariyu qiyinchiliklarini boshidan o'tkazishga majbur bo'lishgan. Keling bugun aynan shunday yulduzlarimizning ba'zilari bilan sizni tanishtirib o'tsak.

Madonna. Mana bir necha yildirki jahon estradasi saxnasidan tushmay, yoshu-qarining ko'ngliga birdek yo'l topa olayotgan ijodkorning yoshligi havas qilgudek emas. Madonna besh yoshligida uning onasi og'ir kasallikdan so'ng vafot etadi. keyingi ikki yil mobaynida qizaloq og'ir depressiyani boshdan kechiradi va hattoki yaqin orada o'zi ham vafot etishini kuta boshlaydi. Uning axvoli otasining yangi oila qurib, uylariga o'gay onaning kirib kelishi bilan yanada og'irlashadi. Shunga qaramasdan Madonna a'lo baholarga taxsil olar va hattoki drama-balet studiyasida qatnashishga ham ulgurar edi.

Jahon pop-estradasi qiroli, marhum Maykl Jekson (Michael Jackson) yoshligi ham biroz achinarli. Maykl yoshligida bolalik gashtini surishdan bebaxra qolgan edi. Bunga sabab esa Mayklning 6 yoshidanoq saxnada o'z akalari bilan "The Jakson 5" guruhida doimiy chiqish qilishidadir. O'sha paytlarda Jekson yulduzlik va mashhurlikni emas, balki boshqa oddiy bolalar singari ko'chada o'ynashni va bolalikdan zavq olishni istar edi. Lekin aslida u har kuni saxnaga chiqishi, tunu-kun qo'shiq va raqslarni mashq qilishga majbur bo'lardi. Hattoki bolalar uchun o'ta muhim bo'lgan uyqiga ham to'ymas edi. Maykl o'z intervyularidan birida "The Jakson 5" guruhi raxbari, yani uning otasi ularni doimo har bir hatolari uchun jiddiy jazolar qo'llaganini aytib bergan edi.

O'ziga hos shpagatga ega bo'lgan taniqli aktyor Jan-Klod Van Damm (Jean-Claude Van Damme) yoshligi sizni aniq hayratda qoldiradi. Van Dammni yoshligida ko'p bora hafa qilishgan va hattoki tengqurlari tomonidan kaltaklanganligiga ishonish qiyin. Kimsan, Van Damm, 90-yillarning karate qiroli yoshligi bu qadar qiyin kechganiga hech kim ishonmasa kerak. Yoshligida to'lachadan kelgan va tez kasal bo'ladigan bolakay ko'p bora uyiga kaltaklanib, yig'lab kelardi. Bunisi ham yetmaganiday onasi uni balet va musiqa bo'yicha yo'naltirishga urinishi axvolni yanada jiddiylashtirardi. Yaxshiyamki Van Dammning otasi uni 12 yoshida mashhur karate ustasiga shogirdlikka beradi va bu jarayon bolakay uchun uning hayotini butunlay o'zgarib ketishiga olib keladi.

Ko'rib turibsizki ko'plab ijodkorlarning yoshligi qiyinchilik va hayotiy sinovlarga boy bo'lgan. Lekin aynan ushbu yulduzlarimiz ko'p narsa o'z qo'limizda ekanligi hamda hayotimizni mazmunli hamda yorqin qilish o'z qo'limizda ekanligini isbotlab berishgan. O'ylaymizki ushbu ma'lumotlarimiz sizni befarq qoldirmaydi va hayotingizni yorqinlashishida oz bo'lsada turtki bo'la oladi.