Maykl Jeksonning yangi albomi 13-may kuni sotuvga chiqadi
2009-yili vafot etgan pop-musiqa qiroli Maykl Jeksonning "o'limidan keyingi" yangi albomi shu yilning 13-may kuni sotuvga chiqadi. Xonanda saytining xabariga ko'ra, albom Epic Records leyblida "Xscape" nomi ostida chiqariladi.Albomning ijrochi direktori sifatida Epic Records egasi El El Reyd ishtirok etmoqda. Maykl Jeksonning salkam qirq yillik ijodi davrida yozilgan va e'lon qilinmagan materiallardan foydalanishga nisbatan "cheklanmagan huquq" aynan unga berilgan.
Qo'shiqlar jarangini "zamonaviylashtirish" uchun El El Reyd Timbalend, Rodni Jerkins va boshqa shu kabi prodyuserlar bilan hamkorlikda ishladi. Albom Maykl Jeksonning o'limidan ancha avval yozilgan, biroq e'lon qilinmagan "Xscape" qo'shig'i sharafiga nomlangan.
Albomdan jami sakkizta mutlaqo yangi trek o'rin oladi. Albomning delyuks-versiyasida xuddi shu sakkiz qo'shiq zamonaviy qayta ishlovlarsiz – dastlab qanday yozilgan bo'lsa, shunday ko'rinishda taqdim etiladi.
"Xscape" Maykl Jeksonning hisob bo'yicha 12-studiya albomi bo'ladi. Uning so'nggi "Michael 2011" nomli albomi ham o'zining o'limidan so'ng chiqarilgan edi.
Albomdan fevral oyida internetda paydo bo'lgan "Slave To The Rhythm" qo'shig'i ham o'rin olishi kutilmoqda.
Kalit teglar: Michael Jackson
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
