Oltin globus o'z egalarini topdi
Los-Anjelesda Gollivudda akkreditatsiyadan o’tgan xorij matbuoti assotsiatsiyasi tomonidan joriy qilingan “Oltin globus” mukofotini topshirish marosimi bo’lib o’tdi. Mukofot saytida yozilishicha, “Qullikning 12 yili” va “Amerikacha firibgarlik” filmlari “Oltin globus” laureatlari bo’ldi.Rejissyor Stiv Makkuinning “Qullikning 12 yili” filmi eng yaxshi dramatik film nominatsiyasida bosh mukofotni qo’lga kiritgan bo’lsa, Devid O. Rasselning “Amerikacha firibgarlik” filmi eng yaxshi komediya/myuzikl sifatida tan olingan. Shu bilan birga, “Amerikacha firibgarlik”dagi roli uchun ikkinchi plandagi eng yaxshi ayol aktrisa mukofotini Jennifer Lourens oldi, eng yaxshi komediya aktrisasi sifatida Emi Adams tan olindi.
Eng yaxshi erkak aktyor mukofoti “Uoll-Strit bo’risi” filmidagi roli uchun Leonardo di Kaprio loyiq topildi. Eng yaxshi dramatik aktrisa mukofotini Vudi Allenning “Jasmin” filmidagi roli uchun Keyt Blanshett oldi. “Gravitatsiya” filmi uchun Alfonso Kuaron eng yaxshi rejissyor sifatida tan olindi. Spayz Jons esa esa “Uni” (Her) filmi ssenariysi ustidagi ishlari uchun eng ssenariy muallifi sifatida e’tirof etildi. Eng yaxshi animatsion film yo’nalishida Walt Disney Co kompaniyasining “Muz yurak” filmi bosh sovrinni qo’lga kiritdi.
Italiyalik rejissyor Paolo Sorrentinoning “Buyuk go’zallik” filmi esa chet tildagi eng yaxshi film nominatsiyasida bosh sovrinni qo’lga kiritdi. “Oltin globus” kino va televideniye sohasida ijodiy ishlar uchun beriladi. 7 Breaking Bad seriali esa eng yaxshi dramatik serial, “Bruklik 9-9” esa eng yaxshi komediya seriali sifatida e’tirof etildi.
Kalit teglar: Golden Globe
