Yulduzlar "Zo'r-zo'r Star" haqida

Zo'r-zo'r Star
Fikrlar davom etadi...

TV ekranlari orqali "Zo'r-zo'r Star" loyihasini kuzatib borayotgan bo'lishingiz aniq. Hozirda loyiha qiziganda qizib bormoqda. Biz esa doimgidek ushbu loyiha haqidagi yulduzlar fikri bilan o'rtoqlashishda davom etamiz.

Zo'r-zo'r Star

Tohir Sodiqov:

«Konsert menga juda yoqdi — u juda yaxshi va ijobiy ruhda o‘tkazildi, tanlov ishtirokchilari tahsinga loyiq! Ulug‘bek Holiqovning chiqishi katta taassurot qoldirdi, unga qoyil qolish kerak – Ulug‘bek o‘z ona tilida sof kuylashdan tashqari, boshqa artistlarga taqlid qilmadi. Uning o‘z ijro uslubi borligini, unga amal qilishini ko‘rdim, bu bilan u tomoshabinlarga o‘zining individualligini ko‘rsatyapti. Ba’zi ishtirokchilar xitni qayta kuylashga emas, balki uni originaldagi kabi ijro etishga urindi. Bu yaxshimas. Axir bu taqlidchilar tanlovi emas-ku. Qo‘shiqqa har doim o‘zingning bir parchangni, albatta, qo‘shishing kerak.

Oskar Jalilovning chiqishi ham yaxshi taassurot qoldirdi, u tom ma’noda zalni junbushga keltirdi. Unda qudratli energetika bor, tomoshabin ham buni his qilyapti. Umuman, tanlov ishtirokchilarining vokal ko‘rsatkichlari kuchli, ammo meni ba’zi ishtirokchilarning aksent bilan kuylashi xijolatga soldi. Albatta, ularning sa’y-harakatlarini qo‘llab-quvvatlayman, lekin ular o‘zlarining ustida yanada ko‘proq ishlashi kerak. Xonandalar milliy qo‘shiqlarni sof o‘zbek tilida ijro eta olishlari estradamiz uchun juda muhim.

Zalning jihozlanishiga alohida to‘xtalishni istardim. Menga sahna ortiga o‘rnatilgan ekranlar g‘oyasi juda yoqdi. Ular ishtirokchilarning chiqishlariga yorqin bir urg‘u berib turdi. Shuningdek, sahnaning yoritilishi ham juda yaxshi o‘ylangan. Akustika juda yoqdi, buning uchun tashkilotchilarga alohida minnatdorchilik bildiraman. Ular tanlov ishtirokchilarining ijodiy o‘sishi uchun ideal sharoit yaratgani ko‘rinib turibdi.

Zo‘r – Zo‘r Star — yoshlarimiz uchun kerakli loyiha deb hisoblayman, u iste’dodli yoshlarga o‘z orzusini, ya’ni haqiqiy estrada yulduzi bo‘lish orzusini amalga oshirishga yordam beradi. Zo‘r – Zo‘r Star loyihasida uch oy ta’lim olgan ishtirokchilar boy tajribaga va zarur ko‘nikmalarga ega bo‘lishadi, ularni keyinchalik sahnada to‘liq amalga oshirishlari mumkin. Barcha ishtirokchilarga samimiy tarzda omad va g‘alaba tilayman».

Zo'r-zo'r Star

Sahro guruhi:

Ishtirokchilar haqida quyidagilarni qayd etishni istardik. Agar ularning kasting paytidagi va hozirgi holatini taqqoslaydigan bo‘lsak, ishtirokchilarning professional rivojida sezilarli o‘sish borligini kuzatish mumkin. Vokal, aktyorlik mahorati va xoreografiya bo‘yicha kundalik mashg‘ulotlar o‘z natijasini bermoqda. Yigit-qizlar sahnada o‘zlarini ancha ishonchli his qilishyapti, ammo baribir ozgina hayajon bor, albatta. Sahnaga chiqish oldidan hatto mashhur ijrochilar ham hayajonlanadi, har birimizda uni yengib o‘tishning o‘z usuli mavjud. Masalan, biz ishtirokchilarga sahnaga chiqishdan oldin biroz “jinnilik” qilishni tavsiya etamiz. Inson ruhi va tanasining bunday holati asabiylashishni yo‘q qilishga yaxshi yordam beradi.

Ochiq SMS-ovoz berish tizimi juda quvontirdi. Zurzurstar.uz saytida abonentlarning nominantlar uchun bergan ovozlarni hisoblovchi maxsus hisoblagich bor. Mazkur jarayonni kuzatish imkoniyati hammasi ochiqchasiga va halol bo‘layotganidan dalolat beradi.

Shu bilan birga studiyaning jihozlanishi ham juda yoqdi. Xorijiy uslub, qandaydir bir yangilik sezildi. Biz qoyil qoldik. Iste’dodli yoshlarimiz uchun juda zarur bo‘lgan Zo‘r-Zo‘r STAR loyihasini ro‘yobga chiqara olgani uchun “Beeline” va “Fund Forum”ga rahmat.


   

Kalit teglar: beeline

 
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
 (голосов: 0)

Izohlar

Izoh qoldirish


Kod:
Включите эту картинку для отображения кода безопасности
kod ko`rinmagan holda yangilang

kodni kiriting:

O'Z REKLAMANGIZNI SHU YERDA JOYLASHTIRING