2014 yilgi "Oskar"ga nomzodlar ro'yxati e'lon qilindi

OscarAQSH kino san'ati akademiyasi payshanba kuni jahondagi eng nufuzli kinomukofot – "Oskar"ga da'vogarlar nomini e'lon qildi. Xabariga ko'ra, mukofot egalari nomi 2-mart kuni o'tkaziladigan tantanali marosimda e'lon qilinadi.

"Yilning eng yaxshi filmi" nomi uchun xuddi shu nominatsiyada "Oltin globus"ni qo'lga kiritib bo'lgan "Qullikning o'n ikki yili" ("12 Years a Slave"), shuningdek, "Amerikacha firibgarlik" ("American Hustle"), "Kapitan Fillips" ("Captain Phillips"), "Gravitatsiya" ("Gravity"), "Nebraska" ("Nebraska"), "Filomena" ("Philomena"), "Uoll-stritlik bori" ("The Wolf of Wall Street"), "Dallas xaridorlar klubi" ("Dallas Buyers Club"), "U" ("Her") kabi filmlar kurash olib boradi.
"Oskar"ga nomzodi ko'rsatilgan rejissyorlar beshligidan "Amerikacha firibgarlik" filmini ishlagan Devid Rassel, "Gravitatsiya" filmi uchun "Oltin globus"ni qo'lga kiritgan meksikalik rejissyor Alfonso Kuaron, "Nebraska"ning rejissyori Aleksandr Peyn, "Uoll-stritlik bo'ri"dagi ishi uchun Martin Skorseze va "Qullikning o'n ikki yili" filmi uchun Stiv Makkuin joy olgan.
"Eng yaxshi dramatik aktyor" yo'nalishida g'oliblik uchun Bryus Dern ("Nebraska"), Leonardo Di Kaprio ("Uoll-stritlik bo'ri"), avvalroq xuddi shu yo'nalishda "Oltin globus"ni qo'lga kiritgan Metyu Makkonaxi ("Dallas xaridorlar klubi"), Chivetel Ejiofor ("Qullikning o'n ikki yili") va Kristian Beyl ("Amerikacha firibgarlik") kurash olib boradi.
"Eng yaxshi dramatik aktrisa" yo'nalishida esa Emi Adams ("Amerikacha firibgarlik"), Keyt Blanshet ("Jasmin"), Sandra Bullok ("Gravitatsiya"), Judi Dench ("Filomena") va Meril Strip ("Avgust") g'oliblik uchun bir-biriga raqib bo'lgan.
Eng yaxshi xorijiy filmlar beshligidan Belgiyada suratga olingan "Ajratilgan doira" ("The Broken Circle Breakdown"), Daniyaning "Ov" ("The Hunt"), Italiyaning "Buyuk go'zallik" ("The Great Beauty"), Kambojaning "Yo'qolgan surat" ("The Missing Picture") hujjatli filmi va Falastinning "Umar" ("Omar") filmlari o'rin olgan.
"Oskar"ning oltin haykalchalarini topshirishga bag'ishlangan hisob bo'yicha 86-taqdimot marosimi 2 mart kuni Los-Anjelesda bo'lib o'tadi. "Oskar" taqdirini Amerika kinematografiya san'ati akademiyasining ovoz berish huquqi teng bo'lgan 5 ming 856 vakili hal qiladi.
2014 yilgi "Oskar"ga nomzodlar ro'yxati e'lon qilindi

Kalit teglar: Oscar

 
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
 (голосов: 1)

Izohlar

Izoh qoldirish


Kod:
Включите эту картинку для отображения кода безопасности
kod ko`rinmagan holda yangilang

kodni kiriting:

O'Z REKLAMANGIZNI SHU YERDA JOYLASHTIRING