Xarrison Ford shaxsiy samolyotida aviafalokatga uchradi
Gollivud aktyori Xarrison Ford 5-mart kuni Los-Anjeles shahri yaqinidagi golf maydonidan o'z shaxsiy samolyotida qaytayotgan vaqtda aviafalokatga yo'liqqan. Uning samolyoti qulab tushgan."Aktyor tirik qolgan, lekin uning jarohatlari ko'p, ayniqsa boshi jiddiy shikastlangan", - deyiladi TMZ internet nashrida.
Bu ma'lumotni Los-Anjeles politsiyasi vakili Nuriya Vanegas ham tasdiqlagan.
"Xarrison Ford ayni vaqtda shahardagi shifoxonada va uning ahvoli barqarorlashgan", - deydi Nuriya Vanegas.
Uning aytishicha, falokatga samolyotda yuz bergan texnik nosozlik sabab bo'lgan.
Ma'lumot uchun, Xarrison Ford 1942-yilning 13-iyulida Chikagoda tug'ilgan bo'lib, aksar kinoixlosmandlar uni arxeolog Indiana Jons roli tufayli tanishgan. U shuningdek, "Yulduzlar jangi" filmida Xana Solo rolini ijro etgan. Uning eng muvaffaqiyatli filmlari sirasiga "Qochoq" va "Prezident samolyoti" filmlari ham kiradi.
Kalit teglar: Harrison Ford
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
