Bugun O'zbegim Taronasi hamda Aroma savdo belgisi tomonidan navbatdagi "Yulduzli Uchrashuv" loyihasini taqdim etishdi. Bugungi loyiha mehmoni estradamizning yorqin va latofatli vakili Lola o'z muhlislari hamda boshlovchilar Dilmurod G'ulomov hamda Magometali Idoyatovlarning savollariga javob qaytardi. Aroma savdo majmuasida bo'lib o'tgan jonli uchrashuvga Lolaning juda ham ko'plab kattayu-kichik yoshdagi muhlislari tashrif buyurishdi. Loyiha davomida muhlislardan kutilmagan savollar ketma-ketligi Lolani hayratga solib turdi. Ayniqsa Lolaning Yigitalida ko'ngli bo'lgan ekan, shu mish-mishlar rostmi yoki yolg'on savoli, uni haqiqatda hayratga soldi. Ushbu mish-mish shunchaki oddiy mish-mish ekanligi va unda haqiqatdan hechqanday asar ham yo'q deya Lola barchani bunday mish-mishlarga ishonmasliga chorladi. Qiziqarli hamda gavjum tarzda o'tgan bu galgi loyihani ko'plab muhlislar bir olam quvonch ila tark etishganligi aniq. Nasib etsa tez orada yangi loyihalarda sizning sevimli yulduzlaringiz bilan ko'rishishingiz mumkin bo'ladi.
