«Yulduzli osmon, yulduzli sahna», — tanlov madhiyasidan olingan aynan mana shu so‘zlar 13-aprel kuni soat 20.00 da bo‘lib o‘tgan uchinchi Zo‘r-Zo‘r STAR hisobot konsertini juda yaxshi ta’riflaydi. Bu kun sahnaga 11 nafar ishtirokchi bilan birga o‘zbek estradasi yulduzlari ham chiqdi. Ular bir hafta davomida Zo‘r-Zo‘r STAR studiyasiga kelib, loyiha ishtirokchilari bilan birga duetlarni repetitsiya qilishdi.

Yulduzli “duetlar”ning chiqishlarini baholash uchun an’anaga ko‘ra O‘zbekiston madaniyati va san’atining taniqli arboblari taklif etildi:

Nasiba Abdullayeva — O‘zbekiston xalq artisti;

Rustam Hamroqulov — vokal bo‘yicha pedagog;

Hosila Rahimova — O‘zbekistonda xizmat ko‘rsatgan artist;

Adiz Rajabov — o‘zbek kinematografiyasining taniqli aktyori;

Jahongir Poziljonov — o‘zbek estradasining taniqli xonandasi, “Bojalar” guruhining ishtirokchisi.

Uchinchi hisobot konsertining avvalida SMS-ovoz berish natijalari e’lon qilindi. Nomzodi “chiqib ketish”ga qo‘yilgan uch nafar ishtirokchi xavotir aralash hayajon bilan sahnaga chiqdi. Birinchi o‘rinni 17 219 ta ovozni olishga muvaffaq bo‘lgan Feruza Jumayeva egalladi. 16 261 ta ovozga ega bo‘lgan Vasilina Daniyarova esa ikkinchi o‘rinni oldi. Akbar Tolipov 15 649 ta ovoz bilan uchinchi o‘ringa tushib qoldi.  

Loyihani tark etishdan oldin Akbar O‘zbekistonda xizmat ko‘rsatgan artist Abdulla Shomag‘rupov bilan birga duet kuylashi kerak edi. Konsert ularning yorqin va ifodali chiqishi bilan boshlandi. Ovoz berish jarayoni kishini ranjitadigan xotima bilan yakunlanganiga qaramasdan, Akbar haqiqiy artistlar kabi o‘z hissiyotlarini jilovlab olib, duetda “qoyilmaqom” ijro etdi!

Kechaning konsert dasturini Vasilina Daniyarova “Benom” guruhi bilan davom ettirdi. Undan keyin SMS-ovoz berish jarayonining yetakchisi Feruza Jumayeva va “Sahro” guruhi ijrosidagi qo‘shiq yangradi.

Qolgan ishtirokchilar va o‘zbek estradasi artistlarining chiqishlari quyidagi tartibda bo‘ldi:

Nurali Shukurullayev va Zulayho Boyxonova;

Madina Rashidova va Ulug‘bek Rahmatullayev;

Asqar Jalilov va Shahzoda;

Yana Baxtiyeva va Nilufar Usmonova;

Roman Vetrov va Lola;

Ulug‘bek Holiqov va Ziyoda;

Rasul Tursunqulov va Rayhon;

Shahlo Ahmedova va Baxtiyor Rahmonov.

Har bir duet o‘ziga yarasha qiziqarli va original  bo‘ldi. Aytish joizki, chiqishlarni sahnalashtirishda ishtirokchilarning o‘zlari ham, ularning “yulduz” sheriklari ham, tashkilotchilar ham qatnashdi. Shunga qaramasdan, hay’at a’zolari faqat Rasul Tursunqulov va Rayhon duetiga ovoz berishda yakdil bo‘lib, o‘n balldan qo‘yishdi. Ushbu hafta yakunlari bo‘yicha Rasul o‘zini nafaqat konsert doirasida a’lo darajada ko‘rsata oldi. Eslatib o‘tamiz, loyiha qoidalariga ko‘ra, o‘z sa’y-harakatlari uchun eng ko‘p ball olgan ishtirokchi rag‘batlantiriladi. Bu rag‘bat nimada ifodalanishini biz bugungi konsertda bilib oldik. O’tgan hafta yakunlari bo‘yicha yetakchilikni qo‘lga kiritgan Roman Vetrov o‘zi uchun yozilgan qo‘shiqni ijro etdi. Endi hafta yakunlari bo‘yicha birinchilikni olishga muvaffaq bo‘lgan har bir ishtirokchi shu tarzda rag‘batlantiriladi! Ishtirokchilar uchun ajoyib rag‘bat, to‘g‘rimi? Kurashishga arziydigan mukofot!

Bu qanchalik qayg‘uli bo‘lmasin, ammo endi har bir konsert tanlovdan “chiqib ketish”ga da’vogarlarni e’lon qilish bilan yakunlanadi. Bugungi konsert ham bundan mustasno bo‘lmadi. Bu safar quyidagi ishtirokchilar “chiqib ketishga” da’vogarlar safidan o‘rin oldi:

Vasilina Daniyarova;

Madina Rashidova;

Feruza Jumayeva.

Loyiha hay’atining kutilmagan qarori konsertning eng kulminatsion va hayajonli daqiqasiga aylandi. Ushbu qarorni tomoshabinlar zali ham gulduros qarsaklar bilan kutib oldi. Tanlov ishtirokchilarining o‘zlari ham bu yangilikni samimiy xursandlik bilan qabul qildi, chunki hay’at a’zolari Akbar Tolipovga yana bir imkoniyatni taqdim etib, uni loyihada qoldirishga muvaffaq bo‘ldi. Voqealarning bunday rivojini hech kim kutmagandi. Akbarning “oxirgi” chiqishi hech kimni befarq qoldirmadi! 

Sal keyinroq hay’at a’zolari tanlov qoidalarida chiqib ketgan ishtirokchini qoldirish huquqi ko‘zda tutilmaganini aytishdi. Ammo u, albatta, bo‘lishi kerak edi va bu yagona imkoniyatdan endi FOYDALANIB BO’LINDI! Bu har bir konsertdan keyin loyihada bitta ishtirokchi kamayishini bildiradi. Endi ishtirokchilarning taqdiri faqat sizning qo‘llaringizda!

Quyida esa estradamiz yulduzlarining "Zo'r-zo'r Star" loyihasi haqida o'z fikrlari bilan o'rtoqlashishgan.

Jahongir poziljonov: Bir necha yil oldin “Beeline” kompaniyasidan Zo‘r-Zo‘r tarif rejasining reklama roligiga musiqiy kompozitsiya yozish taklifini olgandim. Reklama kampaniyasi boshlanganidan keyin “Bojalar” guruhining reytingi keskin ko‘tarilib ketdi. Bizni hamma taniy boshladi, shu qo‘shiqni ijro etishni so‘rashardi.  

Endi Zo‘r-Zo‘r  yoshlar brendi yosh iste’dod sohiblariga o‘z iqtidorlarini yuzaga chiqarishda yordam berayotganidan, ularga vokal mahoratlarini ko‘rsatish va hayotda o‘z o‘rnini topish imkonini berayotganidan mamnunman. Konsert dasturiga to‘xtaladigan bo‘lsak, men undan hayratdaman. Hammasi eng yuqori darajada tashkil qilingan.

Tanlov ishtirokchilarining chiqishlari juda yoqdi. Ular har bir chiqishga ijodiy yondoshishga harakat qilgan. To‘g‘ri, ularning hammasiyam hayajonini jilovlab ololgani yo‘q. Yaxshi vokalga qaramasdan, bu ularning yuqori ball olishlariga xalaqit berdi. Yo‘l qo‘ygan xatolari tufayli uchta ishtirokchi tanlovdan chiqib ketishga “nomzod” qilib ko‘rsatildi. Loyihada qolgan yigit-qizlarda keyinchalik o‘z hayajonini jilovlab olish va yuqoriroq ballarga ega bo‘lish imkoni bo‘lishiga, umid qilaman. Hamma ishtirokchilarga faqat omad tilayman! 

Original “yulduzli” uslubda bajarilgan konsert zalining jihozlanishi ham katta taassurot qoldirdi. Sahna ortidagi katta ekranlar, chiroqlarning g‘aroyib yoritishi va turli effektlar ishtirokchilarning chiqishlarini yanada tomoshaboproq qilishga yordam bergan. Loyiha tashkilotchilari – «Beeline» va «Fund Forum» - jiddiy ishlagani yaqqol ko‘rinib turibdi!

Rayhon: Kamtarliksiz shuni aytishim mumkinki, bizning chiqishimiz juda yorqin taassurot qoldirdi. Rasul vazifasini qoyilmaqom qilib uddaladi, biz ijro etgan qo‘shiq erkaklar kuylashini ko‘zda tutmaganiga qaramasdan, u “samuray” obrazni ajoyib tarzda yarata oldi. Buning ustiga tembrlarimiz ham mos tushdi. Rasul o‘z uslubida ishlashga o‘rgangan bo‘lib, hozir u “qayta tug‘ilganday” bo‘lsa ham, nazarimda, u buni uddaladi. Umuman olganda, u juda o‘ziga xos kelajagi katta ijrochi deb hisoblayman.

Zo‘r-Zo‘r STAR loyihasiga qoyil qolmasdan iloj yo‘q, o‘zim ham unga qiziqib qoldim! Bir marta repetitsiyaga kelib, bu yerga yana va yana qaytishni istadim! Nafaqat o‘z chiqishim ustida ishlash, balki boshqa artistlar va ishtirokchilarni kuzatish ham yoqimli bo‘ldi. Aynan shuning uchun doim repetitsiyalarga kelib turdim, hamma tadbirlarda qatnashdim. Shuncha ijodkor kishi bir yerga to‘plansa, o‘zgacha bir energetika paydo bo‘ladi. Bu muhit menga “quvvat” bag‘ishlayapti, desam yanglishmayman. Bunga befarq qolishning iloji yo‘q!