O'zbek kino ijodkorlari hozirgi kunda ko'plab filmlarni taqdim etib kelishmoqda. Lekin hamma filmlar ham ko'nglimizdan chuqur o'rin egallashi qiyin. Tez orada taqdim etishi rejalashtirilayotgan yangi "Katta odam" kino komediyasi esa sizni komediyaning yangicha janriga chorlashi aniq.Prodyusser Ibrohim Nurmuhamedov boshchiligida postanovkachi rejissyor Laziz Ashuraliyev hamda operator Dilshod Jabborovlar tomonidan suratga olingan ushbu filmda kutilmagan va hayotimizda aniq ro'y bermas voqealarni o'zida aks ettiradi. Muhammad Iso Abdulhairov, Zuhra Soliyeva, Rajab Adashev, Habibulla Sunnatullayev, Anoraxon Otajonova, Anvar Kenjayev, Nigora Karimboyeva, Jamshid Sagatov kabi aktyorlar suratga tushgan filmda voqealiklar ketma-ketligi sizni yuzingizga albatta tabassum yugurtira oladi. Hozirda filmni suratga olish ishlari yakunlangan va dublyaj ishlari olib borilmoqda. Yaqin orada yurtimiz kinoteatrlarida aynan ushbu filmni tomosha qilish imkoniga ega bo'lasiz. Quyida esa filmni suratga olish jarayonidan ba'zi fotosuratlarni hukmingizga havola qilamiz.
