Sirlarini fosh qilgan Ziyoda

Ziyoda
"Muhabbatga ishonaman..."

Bugungi intervyuyimiz mehmoni "Nihol" mukofoti sovrindori, betakror va o'zgacha ovoz sohibasi bo'lmish xonanda Ziyoda. Ijodiy guruhimiz bilan birgalikda xonandaning fayzli xonadoniga tashrif buyurdik. Xonadon egalari bizni iliq kayfiyat ila qarshi olishdi. Bir piyola choy ustida qiziqarli suhbatimizni boshladik. Quyida ushbu suhbatdan bahra olishingiz mumkin.

 

-Avvalo san'atga qo'ygan ilk qadamlaringiz haqida

-San'atga kirib kelishim Akfa-Media prodyusserlik markazidan boshlangan. O'sha paytlarda Xamza Hakimzoda Niyoziy nomidagi Respublika Musiqa kollejida 1-kursda tahsil olardim. Akfa-Media prodyusserlik markazida tanlov e'lon qilinganligini eshitib men, do'stlarim Oybek va Nigora, Radius-21 bilan birgalikda tanlovda ishtirok etib, omadimiz chopib tanlovdan muvoffaqqiyatli o'tganmiz.

 

-Tanlovda ijro etgan taronangiz?

- Ruslana ijrosidagi "Diki-tanes" taronasini kuylaganman. Tarona omadli kelganligi bois ushbu taronani o'zbek tilida ham ijro etganman.

 

Ziyoda

-Bolaligingizda kim bo'lishni orzu qilgansiz? San'atkor bo'laman deb o'ylaganmisiz?

-Bolaligimdan san'atga qiziqganman. 3 yoshimdan qo'shiq kuylaganman. U vaqtlarda qo'shiq kuylashimga ota-onam katta ahamiyat berishmagan. Maktabda o'tkaziladigan Alifbo bayramida qo'shiq kuylaganimdan so'ng san'atga bo'lgan qobilyatim va qiziqishim borligini sezib qolishgan. Shundan so'ng "Tantana" guruhiga olib borishgan. U yerda menga Fotima va Zuhra Ziyomuhammedovalar ustozlik qilishgan. San'at sir-asrorlarini ilk bora shu ustozlarimdan o'rganganman.

 

-Agar san'atkor bo'lmaganingizda qaysi kasb egasi bo'lardingiz?

-Bilasizmi, bu haqida xatto o'ylab ham ko'rmaganman. Sababi boshqa kasbga qiziqishim ham bo'lmagan.

 

-San'atni tanlashingizda oila a'zolaringizdan yoki yaqinlaringizdan qarshilikilar bo'lganmi?

-Dadam qarshilik bildirganlar. Onam esa xuddi mendek san'atni yaxshi ko'radilar. Ularga ham yoshliklarida qo'shiq kuylashga otalari ruhsat bermagan. Endi esa shu holat menda takrorlandi. Lekin onam bilan ularni ko'ndirishga muyassar bo'ldik. Hozir hammasi joyida.

 

-Agar tanlash kerak bo'lganda, oila yoki san'at qay birini tanlardingiz?

-Bilasizmi, bu juda ham qiyin masala. San'atni tark etib ketish ham qiyin, oila esa baribir muqaddas va birinchi o'rinda turadi. Men oilani tanlardim lekin harakat qilardim ikkisini ham birga olib borishga.

 

-Xonanda bo'lish uchun, kasbining yetuk mutahassisi bo'lish uchun saboq kerak deb hisoblaysizmi? Yoki qobilyat bo'lsa shuni o'zi kifoyami?

-Birinchi o'rinda tug'ma qobiliyat bo'lishi kerak. Ikkinchi o'rinda albatta ustoz ko'rish kerak va o'qishi kerak deb hisoblayman.

 

-San'atga endigini qadam qo'yib kelayotgan yosh san'atkorlar haqida fikringiz, kamchiliklari, yutuqlari haqida

-Yosh san'atkorlar haqida gapiradigan bo'lsam, to'g'risi kamchiliklari haqida gapirgim kelmaydi. Sababi har biri o'ziga yarasha qiyinchiliklar bilan chiqadi. Xato ham qilishadi. Biz ham xato qilganmiz. Vaqt o'tib albatta xatolar to'g'irlanadi. Ularga faqat omad tilayman.

 

Ziyoda

-Hozirda qaysi shoir va bastakorlar bilan ishlamoqdasiz? Yoki g'oyalar ozingizdan chiqadimi?

-G'oyalar ozimdan ham chiqadi. Oxirgi vaqtlarda taronalarim g'oyasini o'zim qilmoqdaman. Musiqiy sayqallashuvi ustida esa Rustam Tulashev bilan birga ishlamoqdamiz. Ijodimni boshidan shu inson bilan birgalikda ishlab kelaman. Matnga keladigan bo'lsak, o'zim ham ilhom kelganda yozib turaman. Asosiy taronalarimga Gavhar ismli shoira qizimiz she'rlar yozib beradilar.

 

-Shaxsiy prodyusserlik markazini ochish niyatingiz bormi?

-Hozircha imkoniyatim yo'q-ku, lekin xudo hohlasa imkoniyatim yetarli bo'lganida albatta ochish niyatim bor.

 

-Nima deb o'ylaysiz, agar prodyusserlik markazini ochganingizda shogirdlaringizga o'zingizdagi bor bilimlarimni bera olaman, qobilyatim yetadi deb o'ylaysizmi?

-Yo'q. Hali o'zim o'qishim kerak deb hisoblayman. Hozircha bunga tayyor emasman.

 

-O'nlik balli sistemada o'zingizga necha ball bergan bo'lar edingiz?

-3 ball bergan bo'lardim. (kuladi) Chunki hali 10 ball qo'yish uchun judayam ko'p ishlashim kerak ozimni ustimda.

 

-Uslubingizni o'zgartirish ya'ni yangicha yo'nalishlarda ijod qilish niyatingiz bormi?

-Uslubni albatta o'zgartirib turish kerak. Bir xillikdan qochish kerak. Shou-biznes olamida raqobat ham kuchli. Kundan-kunga san'atkorlar soni ham ko'paymoqda. Ijod qilishimiz kerak. Albatta yangicha yo'nalishlarda muixlislarga ko'rinib turish kerak.

 

-Ilk ijodingizni boshlagan kundan to shu bugunga qadar, nafaqat ijod, balki hayot taraflama ham qanday o'zgarishlar yuz berdi?

-Oldin kam gap edim, savollarga ham to'liq javob bera olmas edim. Hozirgi kunda anchayin kirishimli insonga aylanganman. Savol berishsa qo'rqib turar edim. Endi esa unday holatlar asta-sekin yo'qolgan.

 

-Siz ko'plab xonandalar bilan duet kuylagansiz. Duet takliflari tushganida ko'proq duetdoshiungizni qaysi jihatlariga ko'ra rozi bo'lasiz? Xonandaning mashxurligi muhimmi, she'r yoki musiqa..?

-Albatta musiqasi va matniga e'tibor beraman. Duetdoshimni mashxurligi muhim emas. Xonandaning o'zi mashxur bo'lmasada, g'oyasi kuchli bo'lsa albatta birga duet kuylashga rozi bo'laman.

 

Ziyoda

-Har bir ijodkor turli vaqtlarda ijod qiladi. Sizda ijodni qay vaqtlarda qilasiz?

-Ko'proq uyda bo'lganimda sevimli fortepianoda musiqa chalib ijod qilaman. Ba'zida ko'cha kuyda ham ijod kelib qoladi. Lekin ko'proq uyda yangi g'oyalarni o'ylab topaman.

 

-Faqat o'zingizni g'oyangiz bilan suratga olingan kilipingiz bormi?

-Yo'q. Faqat o'zimni fikrimda turib olmayman. Klip olayotgan insonlar o'z kasbining ustalari. Ularni fikrlariga albatta quloq solaman.

 

-Taronalaringizga-chi g'oyalarni qayerdan olasiz?

-Taronalarimni esa ko'proq o'zimni g'oyalarimga asoslanib yarataman.

 

-Xonandalarda, umuman san'atkorlarda bo'lishi kerak bo'lgan qaysi jihatlarim ustida ko'proq ishlashim kerak deb o'ylaysiz?

-Vokal bo'yicha ishlashim kerak. Sababi, ancha vaqtdan beri vokalga bormay qo'ydim. Yangi milliy taronalar yaratmoqdaman. Shu taronalarim uchun vokaldan yana ham ko'proq dars olishim kerak. Tepa notalarga bemalol chiqishim uchun bu menga qulaylik yaratadi.

 

-Asosiy yutug'ingiz nimada deb bilasiz? Tashqi ko'rinish, ijod yoki o'ziga xos ijro?

-Harakatimda.

 

Ziyoda

-Ustozlaringiz haqida aytib o'tsangiz?

-Ustozlarim, yuqorida takidlab o'tganimdek, Fotima va Zuhra Ziyomuhammedovalar meni birinchi ustozlarim. Shuningdek Umida Mirhamidovani ham alohida ta'kidlab o'tishim joiz. Shu insonlar bolaligimdan qo'shiq aytish sir asrorlarini o'rgatib kelishgan.

 

-Hayotda o'zingiz hohlamay qiladigan ishingiz bo'lganmi?

-Abatta bunday holatlar bo'lgan. Juda yomon holatlar bo'lmagan-u lekin birov maslahat berganida so'zini qaytara olmay bajargan vaqtlarimiz bo'lgan. Shunday insonlaringiz bo'ladiki, ularni so'zini qaytara olmaysiz.

 

-O'zingizni ya'ni Ziyodani chetdan ochiqdan-ochiq tanqid qila olasizmi?

-Chetdan qaraganda "milliy qo'shiqlaringizni ko'paytiring" degan bo'lardim. Kliplaringizni qiziqarliroq ya'ni syujetga boy tarzda klip sur'atga oling degan bo'lardim. Yana bilmadim. (kuladi)

 

-Taronalaringizga qanday tanqid qilgan bo'lardingiz?

-Qo'shiqlaringizda yuqori pardalarga ko'proq urg'u berish kerak deb maslahat bergan bo'lardim.

 

-Muvvaffaqqiyat qozonish uchun insonga aslida nimalar kerak deb o'ylaysiz?

-Birinchi o'rinda insonni yuragida bo'lishi kerak. Kasbini sevish kerak. O'zi chin dildan istasa o'zidan-o'zi mehnat qilib, istagiga albatta erishadi.

 

-Hozirgi kundagi ijodingizga keladigan bo'lsak, ayni paytda nimalar bilan bandsiz? Ko'plab kinokartinalarda sur'atga tushgansiz. Kinolardan taklif tushyaptimi?

-Kinolardan taklif tushyapti. Lekin rad javobini beryapman. Sababi menga rol o'ynashdan ko'ra ko'proq qo'shiq kuylash yoqadi.

 

-Balki xonandalalikni tashlab aktrisa bo'larsiz?

-(kuladi) Yo'q, xonandalikni tashlab ketolmayman.

 

-Ziyoda taqdirga ishonadimi?

-Taqdirga ishonaman. Peshonamizga nima bitilgan bo'lsa shu bo'ladi.

 

-Hayotingizda muhabbatning o'rni qay darajada?

-Hayotimda muhabbatning o'rni juda ham muhim. Menimcha, muhabbat bo'lsa butun olam ko'zingizga go'zal ko'rinadi. Aslida ham shunday. Ijodingiz ham go'zal bo'ladi. Ba'zilar sevgi-muhabbatga berilib ketib ijodiga yoki hayotiga turtki berishi mumkin. U qadar berilib ketmaslik kerak. San'atni ham ijodni, sevgini ham meyorida ushlash kerak.

 

-Turmush qurish niyati har bir qizda bor. Bilamiz ko'plab sovchilar kelmoqda ekan sizga. Qachon yangi hayotga qadam qo'yish niyatingiz bor?

-Albatta turmush qurish bu har bir qizning orzusi. Menda ham shunday orzu bor albatta. Meni ham hudo xoxlasa turmush qurish niyatim bor.

 

-Misol qilib oladigan bo'lsak, ota-onangiz biron-bir yigitga turmushga chiqasan deb turib olishsayu, yigit sizga ma'qul bo'lmasa, ota-onangiz norozi bo'lishsa qanday yo'lni tanlagan bo'lar edingiz?

-Bu meni hayotim. U inson bilan yashaydigan men. Men bilaman ota-onam rayimga qarashadi. Sababi, bilishadi yomon insonni tanlamasligimni. Doim ko'ynimga qarab kelishgan.

 

-San'atkorga turmushga chiqishingiz mumkinmi?

-Yo'q. Sanatkor emaslar. (kuladi) Aytib qo'ya qolay. San'at sohasidagi insonlar yaxshi hammasi.

 

-San'atdan voz kechmagan holatda

-Ha, san'atdan voz kechmagan holatda.

 

-Kelajakda farzandalaringiz kasbingizni davom ettiramiz deyishsa, ya'ni san'at sohasini tanlashsa qarshilik qilmasmidingiz?

-Qarshilik bildirmasdim. San'atkor insondan yomonlik chiqmaydi. Agar kelajakda farzandlarimni qiziqishi bo'lsa albatta rozi bo'laman.

 

-Hayotingizda hozirgi kungacha ijodingizga taalluqli qaysi xatolar to'g'irlandi?

-Horij taronalaridan ba'zilari juda ham ma'qul kelganligi tufayli ularni o'zbek tilida kuylaganman va birozgina tanqidga uchradim. Hozir esa faqatgina o'zimning g'oyalarim asosida ishlamoqdaman.

 

-O'zingiz haqingizda eshitgan eng nohush mish-mish?

-Yomon ko'rgan mish-mishlarim unga turmushga chiqyapti, bunga turmushga chiqyapti degan mish-mishlar umuman yoqmaydi. Baribir turmushga chiqayotganimizda kuyov bolani onalari shunday mish-mishlarni eshitib yoki o'qib qolishsa g'alati tuyuladi. Odamlar esa o'ylamay mish-mish qilaverishadi.

 

-Xonanda Mustafo bilan birgalikda turli hil gap-so'zlar tarqalgan edi. Shu mish-mishga oydinlik kiritish uchun nima deya olasiz?

-Biz Mustafo bilan do'stmiz. Menimcha ular piar qilganlar deb o'ylayman. Oramizda hech qanday narsa bo'lmagan. Gazetalarda shunday mish-mishni o'qiganimda kulganman. Mustafo bilan hamon do'stona munosabatdamiz.

 

-Birovning maslahatiga quloq tutib aziyat chekkan hollaringiz bo'lganmi?

-Bunday holatlar ko'p bo'lgan. Chunki ko'nglim bo'sh. Birovning gapiga hop-hop deb pand yegan vaqtlarim bo'lgan.

 

-Birovni kechirish kerak bo'lgan vaqtlarda qanday chora ko'rasiz? Hadeganda kechiraverasizmi yoki

-Konglim bo'sh bo'lganligi bois kechirib yuboraman.

 

-Xushomad har qanday eshikning kaliti deyishadi. Siz buni qanday qabul qilasiz?

-Xushomadni umuman yoqtirmayman.

 

-Kibrga, manmanlikga berilib ketmaslikka undaydigan narsangiz?

-Kibrga, manmaslikka berilib ketmaslikka undaydigan narsa bu mening yuragimda. O'tmishimni doim eslab turaman.

 

-San'at sohasida kimni o'zingizga raqobatchi deb bilasiz?

-Shou-biznesda hamma bir-biriga raqobatchi. Men ularni raqobatchi deb ham atamayman. Menga u mos, bu mos deb tenglashtirmayman. Balki meni ularga tenglashtirib bo'lmas. Bu narsani muhlislardan so'rab bilish kerak.

 

-Yaqin do'stingiz bormi?

-Birinchi o'rinda onam mening eng yaqin do'stim. Baribir yuragingimdagi hamma gaplarni onamga aytaman. Shunday bir gaplar bo'ladiki, birovga aytib bo'lmaydi. Chunki hozirgi kunda har kimga ham ishonib bo'lmaydi.

 

-Xonandalar orasida, shou-biznes olamida yoki xorij xonandalar orasida idealingiz bormi?

-O'zimni taronalarimda ko'proq Shakirani yo'nalishida kuylayman, lekin u qadar taqlid qilmayman. Bilmadim, shu xonandani yaxshi ko'raman. O'zbek mumtoz xonandalaridan Munojat Yo'lchiyevani juda ham yaxshi ko'raman. Ilohim shu insonni yo'lini bersin bizga ham.

 

-Internet tarmog'idan foydalanasizmi?

-Yo'q umuman foydalanmayman.

(Izoh: Ziyodaning ushbu javobidan ko'rinib turibdiki, ijtimoiy tarmoqlarda Ziyoda nomiga ochilgan profillarining barchasi haqiyqiy emas).

-Suhbatimiz so'ngida bizning saytimizga va muxlislaringizga bildiradigan chiroyli tilaklaringiz bo'lsa marhamat bildirishingiz mumkin.

-Sizning saytingizga ulkan-ulkan omadlar tilab qolaman. Suhbatimiz ohirgisi emas, hali yana ko'plab suhbat quramiz deb umid qilaman. Muhlislarimizga omadlar tilayman. Doimo yuzlaridan kulgu va tabbassum arimasin.

 

Biz ham Ziyodaga o'z vaqtini ayamay qiziqarli suhbat qurgani uchun saytimiz nomidan o'z tashakkurimizni bildiramiz. Ijodiy faoliyatiga ulkan muvvaffaqqiyatlar tilab qolamiz. Siz esa saytimizni kuzatib boring. Ajab emas kelgusi suhbatdoshimiz siz sevgan ijodkor bo'lsa.

 

(P.S.: Ushbu suxbatdan ko'chirma olish yohud foydalanish mumkin emas. Barcha huquqlar mualliflik huquqlari asosida himoyalangan.)

Ziyoda

Ziyoda


Kalit teglar: Ziyoda

 
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
 (голосов: 1)

Izohlar

  1. #1 Mehmon севарахон 27 fevral 2015 13:38 |

    Зиёда сизи жудааааааааааааааааааааа яхши кўрамизааааааааааааааааа. Ижодизга омад!!!!!!!!!!!!!!!!!!!!!!!!!!!!!!!!

    Izohga javob berish
  1. #2 Mehmon Шухрат 8 dekabr 2015 23:35 |

    Зиедага омад соглик ойиласида тинчли ота онаси бахтига сог булсин

    Izohga javob berish
  1. #3 Mehmon ASAL 4 may 2016 10:36 |

    ZIYODAXON SIZGA OMAAAAAAAAD

    Izohga javob berish
  1. #4 Mehmon SUMBULA 8 noyabr 2016 20:19 |

    ZIYODA SIZNI YUZINGIZDAN TABASSUM ARIMASIN.

    Izohga javob berish

Izoh qoldirish


Kod:
Включите эту картинку для отображения кода безопасности
kod ko`rinmagan holda yangilang

kodni kiriting:

O'Z REKLAMANGIZNI SHU YERDA JOYLASHTIRING